Home » Minister Glenbert Croes: Aruba ta den un crisis social cu mester di atencion continuo y alerta maximo

Minister Glenbert Croes: Aruba ta den un crisis social cu mester di atencion continuo y alerta maximo

by Admin
0 comment 56 views

Durante Rueda di Prensa semanal di Gobierno, un Minister Glenbert Croes sumamente preocupa a elabora un biaha mas riba e crisisplan social, e vision como tambe locual cu e kier logra.

Na vispera di e caso di e dos Angelitonan Eugene cu Roshendrick, Minister a enfatisa e importancia pa tur instancia, tur departamento y Gobierno duna nan maximo cooperacion pa e ehecucion di e crisisplan social cu a keda aproba pa Parlamento di Aruba, inicia pa caba.

Minister Glenberrt Croes ta sumamente preocupa. Cada bes e mester tende “cu ainda no por a haci nada”, cu “e lista di espera a sigui crece” of cu “nos no por a haci nada ainda”. Ta e contestanan aki ta locual cu ta preocupa, es mas, ta indigna Minister Glenbert Croes pasobra cu mientras tanto cu no actua, ta e mucha fragil y inocente ta keda sufri tortura diario te dia “cu e caso bira urgente suficiente pa e instancia concerni actua”. E actitud aki ta pa e mandatario inaceptabel pasobra e ta sinti cu hopi hende a cay bek den un zona di comfortabilidad. E ser humano tin e tendencia di lubida te ora cu nos haya nos mes confronta atrobe cu otro acontecimento amargo. E ora tur hende kier core yama reunionnan atrobe. Minister a expresa fuertemente enfatisando na tur hende envolvi, cu si algo similar mester bolbe sosode cu e biaha aki si no por culpa e Gobierno anterior.

Minister ta haci un apelacion na tur instancia pa sea alerta y actua. Den mesun rosea e Mandatario ta haci un yamada di recordatorio na henter nos comunidad pa no lubida cu e Aruba nobo cu nos kier crea y laga atras pa nos yiunan ta tuma participacion di cada ciudadano. E Aruba nobo lo ta fruto di un esfuerzo, labor y cooperacion conhunto di henter pueblo di Aruba.

Pa finalisa Minister Glenbert Croes a expresa un biaha mas di no lo tolera otro suceso tristo y fatal. Cu no lo tolera pa Gobierno di su banda ta logra pa Parlamento di Aruba aproba 17 miyon pa e crisisplan, y pa burocracia gubernamental stroba su ehecucion.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio