Cuerpo Policial di Aruba cu training intensivo di Staf Groot Schalig Bijzonder Optreden (SGBO) den e dianan aki.
Oranjestad, Aruba: E siman aki henter cuerpo policial y diferente otro instancianan, a cuminsa cu un ehercisio cu ta obligatorio di SGBO cual lo dura te cu otro siman diabierna.
E ehercisio aki lo cuminsa cu un scenario di un Horcan categoria 1 rumbo pa Aruba y e horcan aki lo ta bay aumenta di categoria tur dia. Durante e training, lo bay tin dia cu Cuerpo policial di Aruba lo mester draai 36 ora sigui pa cu e ehercisio aki. Tambe durante e trainin aki lo bay tin un scenario den cual un dia cu e comunicacion pa e training aki lo cay afo. Tambe tin dia cu tur dienst lo mester draai 13 ora obligatorio, esaki ta conta pa e chefnan tambe.
Horcan Harvey, August 17, 2017 – September 2, 2017
Durante e ehercisio aki lo ta bay tin scenarionan cu KPA mester atende cu nan sistema di SGBO.
E training aki tin su motibo, aparentemente lo ta pa mira con KPA por mantene Ordo Publico y seguridad den un calamidad di un magnitud manera loke a sosode aña pasa na Sint Maarten. Na Sint Maarten e cuerpo policial no tabata capas di mantene orden publico y Defensie di Hulanda mester a tuma over.
Cuerpo Policial di Aruba sigur no kier pa esaki pasa y lo ta sigur cu cuerpo policial den su totalidad lo participa activamente na e training aki, pa asina demostra cu nos Cuerpo policial Arubano ta capas di mantene orden publico y seguridad den cualke caso di calamidad cu lo por presenta.
