Prome Minister Evelyn Wever-Croes den nomber di Gobierno di Aruba ta felicita dos hoben cu a destaca internacionalmente poniendo nomber di Aruba na halto. Ta trata aki di Young ambassador/Journalist na Russia cu un participacion di 211 pais den e programa ‘Football for Friendship (F4F) Children’s Social Program’. E programa aki ta pa promove muchanan pa nan desaroya nan mes den futbol y tambe pa biba mas saludabel. E programa ta encurasha nan tambe pa transmiti e mensahe aki den nan circulo familiar y di amistad.
Sheqayli Ascencion a logra e ‘2018 F4F Best Young Journalist’ kende a destaca cu su produccion di video cu a laga e comite di F4F hopi impresiona. E hoben ta participa tambe den como un orador na e ‘Internacional Children’s Forum’.
Jahmani Jayvon Eisden a wordo scogi pa ta capitan di su team y a logra score dos goal y cu esaki a logra participa hunto cu otro hungadornan di voetball, na e ceremonia di apertura di FIFA World Cup 2018 cu ta tumando luga na Rusia.
Prome Minister ta gradici Sheqayli Ascencion y Jahmani Jayvon Eisden pa e promocion importante y positivo cu nan ta dunando Aruba mustrando cu e futuro ta den nos hobennan. Masha Pabien cu boso logro.
Potretnan cortesia di 297Sports Aruba: