Home » Ministerio di Finansa, Asuntonan Economico y Cultura conhuntamente cu Departamento di Asutonan Economico/IDEA ta presenta: Ministerio di Finansa, Asuntonan Economico y Cultura conhuntamente cu Departamento di Asutonan Economico/IDEA ta presenta: Small Business Event 2018

Ministerio di Finansa, Asuntonan Economico y Cultura conhuntamente cu Departamento di Asutonan Economico/IDEA ta presenta: Ministerio di Finansa, Asuntonan Economico y Cultura conhuntamente cu Departamento di Asutonan Economico/IDEA ta presenta: Small Business Event 2018

by Admin
0 comment 54 views

ORANJESTAD – Departamento di Asuntonan Economico/IDEA conhuntamente cu Ministerio di Finansa, Asuntonan Economico y Cultura ta organizando un dia di “Small Business Event, The New Era of Entrepreneurial Development”, cu lo tuma lugar na Renaissance Convention Center, diahuebs 21 di juni 2018, di 8:00 am – 4:00 pm. E evento aki ta pa negoshinan nobo y existente, studiantenan, inversionistanan, Institucionnan Financiero y formuladornan di maneho.

Minister di Finansa, Asuntonan Economico y Cultura, sra. Xiomara Ruiz-Maduro, lo presenta e accionnan bon cla pa un scenario optimal pa e sector empresarial.

Tambe lo tin presentacion di representante di Departamento di Asuntonan Economico, Comercio E industria, sra. Sharon Meijer, tocante e “Aruba’s Entrepreneurs Policy” y despues lo continua cu presentacion di e nominadonan di Guardian Group Award.

For di exterior lo tin moderadornan presente. For di Eindhoven, sr. John Sandiford (Antonio Media y Founded by All-Project Manager); for di Corsow, sra. Gonneke van den Kieboom (WOW! Innovation, Marketing and Communication); for di Turcs & Caicos, sr. Dominick Rolle (YCA) y for di BVI Tortola, sr. Meade Malone (Forge). Di Aruba lo presenta sr. Kawish Misier, Board Member and Vice President di Aruba Chamber of Commerce & Industry y sra. Sonja Velthuizen, Directora di Aruba Chamber of Commerce and Industry. Tur e moderadornan aki lo presenta riba e topico di ‘Business Incubation’.

For di Universidad di Aruba tambe lo tin un representante cu lo presenta e oportunidadnan cu Aruba tin pa instala un Incubation na Universidad di Aruba.

Despues di e presentacionnan lo tin sesionnan interactivo cu un grupo di personanan local y expertonan internacional den panel cu tin experticio riba modelonan innovativo pa ‘Business Hubs’ na Aruba cu por transforma e economia di Aruba den un era nobo riba e desaroyo empresarial. Bo idea tambe ta conta pa e era nobo di e desaroyo empresarial.

Entrada ta gratis y lo tin un lunch inclui.

Registracion ta importante pa tin un luga segura. E registracion ta posibel via e siguiente link: https://smallbusinessevent.splashthat.com/

Departamento di Asuntonan Economico/IDEA ta gradici COSME Team, especialmente sr. Hans Verschoor pa su inmenso sosten den e evento aki. Sr. Verschoor ta un trained Economist na e State University di Groningen y ta forma parti di Ecorys COSME Team como Key Expert 2 y ta concentra riba ‘Business Incubation’ den e 12 OCT nan (Overseas Countries and Territories) den Caribe. Tambe sr. Verschoor ta e iniciador di e Virtual Incubation Platform CaribConnect caminda e negoshinan micro, chikito y mediano por join como empresario, mentor, profesional of como socio capitalista (www.CaribConnect.net). Tambe sr. Verschoor a inicia diferente Incubation na BVI, Cayman Islands, St. Eustatius, Aruba y Corsow. Sr. Verschoor tambe lo ta presente como panelista den e evento aki.

E evento aki ta duna e participante oportunidadnan grandi pa hasi red nan importante cu lo por tin bon beneficio pa bo negoshi y pa bo futuro y tambe pa desaroya bo capacidad empresarial.

Pa mas información di e programa y e moderadornan por sigui nos riba Facebook Page: ‘ArubaSmallBusinessEvent’ y ‘Idea-Aruba’.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio