Home » Partido MEP ta recorda un gran Arubiano: Clyve Lacle tabata un gran baluarte y luchador pa nos Status Aparte

Partido MEP ta recorda un gran Arubiano: Clyve Lacle tabata un gran baluarte y luchador pa nos Status Aparte

by Admin
0 comment 55 views

 

 

Partido MEP a tuma nota di e fayecimento di sr. Clyve Francisco Lacle cu a bay laga nos diabierna ultimo na e edad respeta di 86 aña. Sigur cu esaki ta un sla hopi fuerte pa su famia y tambe pa nos di MEP.

Clyve Lacle a forma parti di partido MEP y a aparece na cuater ocasion riba nos lista, esta na 1979 (dos biaha), 1982 y 1983 y durane varios aña e tabata miembro di Staten di Antiyas Hulandes y tambe miembro di Conseho Insular di Aruba.

Clyve Lacle a lucha schouder cu schouder cu nos Libertador Betico Croes pa nos libertad, nos Status Aparte. Asina el a forma parti tambe di e delegacion cu a bay Hulanda despues di e accionnan di Augustus Scur na 1977 y caminda Hulanda porfin a dicidi di habri porta pa delibera riba e futuro estatal di Aruba. Tambe Clyve Lacle a forma parti di varios comision den preparacion pa nos Status Aparte y su contribucion den esaki tabata sumamente valioso. Semper el a sali na defensa di nos pueblo cu tanto el a stima. Na 2016 partido MEP relaciona cu 45 aña di fundacion di nos partido a duna reconocemento na e gran Arubiano aki como ex-candidato di MEP.

Partido MEP ta gradici Clyve Lacle pa tur loke el a haci pa nos pais en general y pa nos partido en particular. Hopi forsa na henter su famia. Cu Clyve sosega na paz den Reino di Señor.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio