ORANJESTAD, Aruba – 12 di Juni 2018: Den fin di siman e MetaFit Caminata 2018 a continua den gran forma, unda cu hopi empleado di e companianan bou di MetaCorp a presenta e mainta aki na Cacique Macuarima School. E biaha aki e participantenan a cana y core e ruta di 9 KM y 11 KM.
Empleadonan tabata entusiasma pa sigui prepara nan mes fuerte pa e caminata final di dia 1 di Juli proximo. Tur esunnan cu a participa tabata determina pa termina e ruta di 9 of 11 KM exitosamente. Hunto cu e empleadonan, gerencia di MetaCorp tambe a participa mustrando con importante e salud di nan empleado ta.
Participantenan tabata yega final satisfecho despues di a logra nan meta. Tur participante a gradici tur boluntario, representante di IBiSA y IBISA, iRun, Patrishi Sports, Rode Kruis, Eric Gomez, Harley Motor Unit pa organisa un otro caminata y coremento pa nan por sigui prepara.
E siguiente caminata lo ta diaranson 13 di juni pa 6’or di atardi na Club Caiquetio y e participantenan lo ta canando y core 5KM. E team dinamico di MetaFit ta invita tur empleado di MetaCorp pa participa na e caminatanan.