Home » PROME MINISTER TA FELICITA E HOBEN ANDRICK ARENDS

PROME MINISTER TA FELICITA E HOBEN ANDRICK ARENDS

by Admin
0 comment 111 views

 

 

Inverti den nos futuro generacion ta nos prioridad

 

Aña escolar 2017-2018 ta cabando y varios studiantenan a acerca Prome Minister Evelyn Wever-Croes buscando inoformacion di e Premier pa asina nan traha nan spreekbeurt. Pa e mandatario principal di nos pais, esaki ta un honor pa ricibi e hobennan y brinda nan un espacio pa conbersa cu nan y yuda nan completa nan trabou di scol. Por bisa si cu e hobennan aki a haci hopi pregunta mes na Prome Minister kende a tuma tempo pa contesta cada un debidamente.

 

Mas ainda, nos Prome Minister ta wordo yena cu alegria y orguyo ora cu e hoben studiantenan aki manda e bon noticia p’e cu nan a haci nan spreekbeurt cu exito. Esaki tawata e caso tambe di Andrick Arends di Colegio San Hose klas 3, kende a haya e bunita punto 9.5 pa su spreekbeurt “Ken ta Evelyn?”

 

Pa Gobierno di Aruba y Prome Minister Evelyn Wever-Croes, nos muchanan tin prioridad y Gobierno di Aruba ta inverti den nan estudio y coopera cu nan trabounan di scol haciendo asina Gobierno ta invertiendo den nos futuro generacion.

 

Pabien Andrick. Exito pa e aña escolar nobo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio