Home Sports APSC Aruba Open 2018

APSC Aruba Open 2018

????????????????????????????????????

 

Oranjestad, Aruba – Balashi

Dia 8 di Juni a inicia e Aruba Open 2018, competencia di tiro practico na e canchanan di tiro na Wela, Balashi. E competensia internashonal di nivel 3 ta organisa bow auspicio di International Practical Shooting Confederation (IPSC) pa Aruba Practical Shooters Club (APSC). Lo tin un total di 51 competidor di diferente pais manera Corsow, Colombia, Surinam, Guyana y local. Tambe lo tin diferente categoria durante e competencia cual ta damas, junior, senior y open.

E deporte di tiro practico ta pone e competidor busca un balansa entre precision y velocidad pa asina por completa e torneo na top. E abilidadnan di cada competidor lo wordo midi riba 12 diferente cancha cu a wordo diseña pa nos tiradornan local y cu aprobashon di IPSC.

APSC kier a invita pueblo di Aruba, y muy en especial esnan interesa den e deporte di tiro practico, pa pasa y experiencia un competencia riba nivel internashonal riba dianan 8, 9 y 10 di juni. Por ricibi informashon tambe tocante miembresia pa e club, e deporte di tiro practico en general y experiensia di nos tiradornan local.

Diligentia, Vis, Celeritas.