Home » Increible ora cu henter un fraccion ta biba den ignorancia! Parlamentarionan di AVP ta complice di tur e aumento di gastonan di personal di gobierno

Increible ora cu henter un fraccion ta biba den ignorancia! Parlamentarionan di AVP ta complice di tur e aumento di gastonan di personal di gobierno

by Admin
0 comment 84 views

 

Den e ultimo siman aki constantemente por scucha y lesa tur e supuesto preocupacion cu miembronan di fraccion di AVP a expresa pa loke ta e gastonan di personal di gobierno. Un biaha mas a keda demostra cu e parlamentarionan aki te ainda ta sigui sufri di un amnesia cronico pisa, ya cu nan ta haci como sifuera cu ta partido MEP y e ministernan actual tin tur culpa pa cu e crecemento di e cantidad di empleadonan publico durante e ultimo añanan. Sinembargo locual nan no ta splica pueblo ta con durante henter e gobernacion di nan partido e gastonan di salario y producto/servicionan relata na e empleadonan publico a aumenta den un forma drastico y pa gran parti e aumento aki tabata pa por acomoda nan compinchinan cu partijdiploma berde den gobierno.

 

Aumento cu 96.8 miyon florin

Den e tabel adhunto nos por mira con durante e periodo di nan gobernacion for di 2009 te cu 2016 e gastonan di salario y producto/servicionan a aumenta cu 96.8 miyon florin den 7 aña di tempo. Tur esaki a sosode mientras cu nan propio gobierno di AVP a acorda cu Hulanda y CAft – despues di e welga di hamber di nan lider – cu structuralmente nan lo percura pa reduci e gastonan di personal tur aña cu 5%. Pero tur esaki a resulta den un fata morgana di politico y gobernantenan mentiroso cu a goberna solamente pa yuda nan amigo, familiar y compinchinan politico. Fuera di esey, henter e fraccion di AVP no a tuma e tempo pa lesa tur e consehonan cu CAft a trece den nan rapportnan cu nan a traha y pa mustra con Gabinete Mike Eman no a cumpli cu locual nan a acorda cu Hulanda, esta di reduci e cantidad di personal di gobierno cu 5%, pero nan a sigui aumenta esaki drasticamente. Ta p’esey MEP ta reproduci algun parti di e ultimo reportahenan di ehecucion treci padilanti door di CAft y p’asina e parlamentarionan aki di AVP pa prome vez tuma nota locual e Colegio di Supervision a relata riba e crecemento di cantidad di personal di gobierno bao di Gabinete Eman.

 

Reportahenan di ehecucion di CAft

  • Eerste uitvoeringsrapportage 2017 : “De doelstelling van een jaarlijkse besparing van 5% op de personeelskosten is nog verder uit het zicht verdwenen nu de personeelsaantallen in FTE weer oplopen”.
  • Tweede uitvoeringsrapportage 2017: “Verhoging in de personeelskosten door het aannemen van per saldo 38 fte’s in het tweede kwartaal 2017”.
  • Halfjaarrapportage College Aruba financieel toezicht januari 2017 – juni 2017: “Ondanks beperkende maatregelen op de instroom van nieuwe medewerkers bij een deel van de ambtelijke organisatie, heeft dit de afgelopen jaren niet geleid tot een zichtbare terugloop in de personeelsuitgaven”.
  • Derde uitvoeringsrapportage 2017: “Er wordt in deze uitvoeringsrapportage aangegeven dat er per saldo 187 fte’s zijn aangenomen in de eerste drie kwartalen van 2017”. Aña di campaña!

 

Pues por mira claramente cu den e di tres reportahe di ehecucion di 2017, esta den e periodo na final di Gabinete Mike Eman, un total di 187 persona EXTRA a ser tuma den servicio di gobierno. Aparentemente e parlamentarionan di fraccion di AVP so no a lesa esaki y awe den nan ignorancia kier sigui tira tur culpa riba e gobierno di MEP-POR-RED pa cu henter e problematica di gastonan di personal di gobierno. Echo ta cu no tin ciego mas cu no kier mira y no tin sordo mas cu no kier scucha, pero ta bisto cu henter e fraccion di AVP ta ciego, mudo y sordo pa cu henter e situacion financiero di pais Aruba y cu te ainda nan no kier realisa cu ta nan mes a tolera henter e situacion desastroso aki durante 8 aña largo.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio