Home » Fraccion AVP Gobierno mester bay cambia presupuesto 2018 y cuadro financiero

Fraccion AVP Gobierno mester bay cambia presupuesto 2018 y cuadro financiero

by Admin
0 comment 70 views

Segun declaracionan despues di reunion di Conseho di Minister di Reino

Gobierno di Reino no ta contento cu presupuesto 2018 presenta y aproba pa fraccionnan cu ta sostene gobierno den Parlamento. E mensahe aki a bolbe wordo duna den forma bon cla pa secretario di estado Knops na salida di reunion di Conseho di Minister di Reino. Ya caba e conseho di CAFT riba presupuesto 2018 ta mustra cu tin cambionan cu mester wordo haci mirando cu e presupuesto lo no cumpli cu normanan palabra — cu riba nan mes ta desvia caba di normanan stipula den e ley di supervision financierio — pero tampoco a base di e propio criterionan presenta den e cuadro financiero den Financieel Economisch Memorandum pa 2018
te cu 2021.

Na mes momento por deduci cu gobierno di Aruba a bay di acuerdo pa alarga permanencia di CAFT te cu 2021 den un acuerdo cu gobierno di Reino, sin cu esaki a wordo presenta na Parlamento. Gobierno tampoco a presenta un cambio di ley pa cambia e ley di supervision financiero (LAFT) existente cu a determina cu e colegio di supervision lo a termina cu su tarea e aña aki. Punto principal den tur e observacion y critica cu gobierno a ricibi den ultimo dianan ta cu den varios aspecto e presupuesto ta irrealistico caminda cierto ponenciana riba entradana di gobierno, no ta basa riba puntonan realistico. A introduci un “coalitieheffing” pa financia aumento excesivo di gastonan coriente di Gobierno

CAFT den su conseho emiti dia 11 di mei ultimo, ta mustra cu e colegio a conseha gobierno pa percura pa pa e deficit den presupusto 2018 keda bou di esun di 2017 y ta mustra cu argumentonan presenta pa gobierno riba entrada a base di dividendonan y otro entradanan incidental ta irrealistico y mirando cu e e “coalitieheffing” tin un efecto riba economico, e deficit lo ta mucho mas halto di loke Gobierno ta premira.

A mustra gobierno cu apesar cu gobierno ta confia riba entrada di dividendo di Refineria di Aruba pa un suma di 17.5 miyon, 6 luna pasa no tabata posible, CAFT tin duda si esaki lo wordo logra. Ademas cu gobierno a conta dobel pago di dividendo di ATA pa un suma di 6.4 miyon. E punto aki a wordo treci na atencion di Gobierno pa Parlamentario Richard Arends di fraccion di AVP durante tratamento di presupuesto 2018. Partidonan di coalicion a opta pa hiba un politica anticua y no a tuma e recomendacion di e parlamentario di oposicion na serio.

Mesun duda CAFT tin pa loke ta e maximo di e debe nacional cu a wordo palabra riba un 90% y cu gobierno tambe a pone como meta den e rapport di Financieel Economisch Memorandum pero ta bon resulta cu pa 2018 esaki lo yega na 92% bbp. Otro aspecto cu mientras tanto a wordo señala caba na varios ocasion, ta e aumento di gasto di personal caminda. CAFT ta mustra bon cla cu na luga di mira un tendencia den reduccion di e gasto aki, den e presupuesto 2018 gasto di personal a aumenta cu 10.5 miyon florin.

CAFT a hala e Financieel-Economisch Memorandum (FEM) di Gobierno un banda y a pidi na pa presenta un plan concreto cu ta mustra con gobierno ta bay yega na un surplus den 2 aña enbes di 4, manera cu Gobierno a propone.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio