Home » Aruba Bank presente na ‘E-Aruba Business Seminar’

Aruba Bank presente na ‘E-Aruba Business Seminar’

by Admin
0 comment 95 views

ORANJESTAD, Aruba – 5 di Juni 2018: Diasabra awo dia 9 di Juni ta tuma luga e di 3 edicion di “E-Aruba Business Seminar” na Renaissance Convention Center. E seminario ta organisa pa Infinity Media Aruba y The Lab hunto cu Aruba Bank. E concepto di E-Aruba Seminar ta popular y e oradornan internacional lo duna varios charla riba topiconan relevante na esunnan cu ta den comercio of cu lo kier bay cuminsa pronto.

E seminario lo conta cu oradornan cu lo comparti e ultimo tendencianan mundial. Miri Rodriguez di MICROSOFT lo comparti su experticio den e mercadeo digital y e miho forma pa trece un mensahe comercial dilanti. E compania UBER tambe lo ta presente y representa pa Mario Vinasco, Marketing Manager Data Analytics, cu lo trata e topico di ultimo desaroyonan den mundo di mercadeo y cu enfasis riba “Augmented Reality”. Lo conta cu presencia di e autor di e famoso buki “Facebook for Dummies”, esta Andrea Vahl. Tambe lo tin oradornan y panelistanan local cu lo trece e toke local.

Na aña 2014, Mark Benson Denz, Director di Infinity Media Aruba, a cuminsa cu e proyecto aki y e acogida un biaha mas ta grandi. E aña aki Infinity Media Aruba a uni forsa cu Diederik Kemmerling di The Lab Agency pa produci un otro evento exitoso.

Aruba Bank ta e partner principal y a mira e importancia di un evento cu ta duna comunidad e hermentnan pa crea mas exito. Pa Aruba Bank ta importante pa duna e aporte y pa ta presente pa por yuda Startups den nan fasenan comercial.

E ekipo di Aruba Bank ta cla y ta invita bo pa forma parti di e evento aki. Pa mas informacion por bishita https://www.e-aruba.com/.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio