Home » Brazil Taekwondo Stichting a sali Best Team na e di 10 campeonato nacional na memoria di srta. Anashia Murray q.e.p.d

Brazil Taekwondo Stichting a sali Best Team na e di 10 campeonato nacional na memoria di srta. Anashia Murray q.e.p.d

by Admin
0 comment 85 views
Diasabra ultimo a tuma luga e di 10 campeonato nacional na memoria di srta. Anashia Murray q.e.p.d y Brazil Taekwondo Stichting a participa cu 6 atleta cu a bringa pa e Best Team Cup. 
 
E 6 atletanan di Brazil Taekwondo Stichting ta Danon Delamore, Joshua Klabér, Rasheed Lowe, Leonard Philips, Záhyon Klabér y Jourdé Klabér. Danon Delamore mester a bringa contra di Myron Adams, pero Myron Adams no a presenta y Danon Delamore a sali ganado. Joshua Klabér a bringa contra di Arien de Mey y Joshua Klabér a gana cu un score di 14-10. Rasheed Lowe a gana Nassip Bislip cu un score di 17-10. Rasheed Lowe su gasolin a caba durante di e pelea, pero a logra pa gana e pelea tog. Leonard Philips a bringa contra di Bryan Charles y Leonard Philips a gana esaki den un frega di wowo. Záhyon Klabér a topa cu Juni Jansen cu a bin bek despues di basta tempo y Záhyon Klabér a gana Juni Jansen cu un score di 23-3. Jourdé Klabér a baha duro ariba Juni Jansen y a laga Juni Jansen den veld cu un score di 23-3.
 
Master Eric Barry ta e organisado di e evento y a anuncia Brazil Taekwondo Stichting como Best Team di e di 10 campeonato nacional na memoria di srta. Anashia Murray q.e.p.d cu un total di 42 punto. Pabien na e team di Train Hard Fight Smart di Brazil Taekwondo Stichting cu nan logro.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio