Chauffeur herida, despues dal contra palo di luz na Hato

Hato – Diasabra marduga polis a bay ariba e caminda di Hato pa bay Tanki Flip, caminda un accidente a sosode.

Na yegada polis a topa cu un Nissan March, cu lo a baha caminda banda drechi. Y despues a bay dal contra un palo di luz.

Door di e golpi duro, e chauffeur a haya un kap na cabes, y esaki tawata sangra.
Personal di ambulance na yegada a transporta e chauffeur pa hospitaal.

Na e sitio nos a compronde cu e chauffeur aparentemente lo a bay canal di e radio, y perde control ariba e auto.