Dominicanessenstraat – Diahuebs mainta den careda di 7:30 polis y ambulance a bay pazuid di Misa di Playa, caminda un auto a dal un peaton.
Na yegada den Dominicanessenstraat nan ta topa un Chevrolet Spark color blauw, cu e windshield kibra. E chauffeur, ainda sinta den e auto.
Na banda un grupo di persona, para unda e victima ta sinta. E victima un cabayero di edad, cu tawata sangra na un brasa.
Den algun minuut ambulance a yega, e mester a bin den verboden den Dominicanessenstraat pa yega mas lihe. Esaki door cu trafico tawata congestiona e momento ey.
Chauffeur burachi, mainta trempan
Polis a laga trece aparato pa test, y a splica e chauffeur e procedura.
Despues cu e chauffeur di Spark no por a supla manera mester ta, a keda deteni pa core auto burachi.
Mientrastanto personal di ambulance tawata atendiendo e peaton na e sitio mes.
E chauffeur burachi aki, lo por a dal un criatura bayendo skol tambe.
Con por ta posibel cu un persona por ta burachi asina trempan ?