Studiantenan di polis cu proyecto di medio ambiente
E fecha di e accion di recoge sushi lo ta dia 2 juni 2018. For di 2:00 pa 4:00 di atardi. Na Centro di bario Brazil.
Tur persona cu ta biba pariba di brug por trece e azeta di cushina den un boter sera. E boternan mester ta di plastic. Tamaño por ta di boter refresco 2 liter te cu un boter mas grandi di plastic. Cada persona mester bin cu nan sera pa preveni esaki por basha y causa daño sin cu mester.
Un grupo di studiante di klas 2014 di Cuerpo Policial Aruba ta terminando nan estudio na Scol di Polis. Pa finalisa nan ultimo proyecto nan a haya e instruccion pa bin cu un accion tokante medio ambiente. E ultimo proyecto di presentacion ta bai di e tema di “Medio Ambiente”. E studiante nan mester por presenta un proyecto cu ta incera cuido di nos medio ambiente. Na final nan por haya nan diploma di MBO Niveau exitosamente.
E studiantenan Natasha Peterson, Vianney Coffie y Wesley Willems ta cla pa warda e comunidad pariba di bruga manera: Pos Chikito, Savaneta, San Nicolas y vecindario pa yega dia 2 juni.Hunto nos por yuda cuida nos medio ambiente.