Despues di un persecusion na pia, polis ta detene dos sospechoso cu tabata scondi den un cas den Ranchostraat

Ranchostraat, Oranjestad: Diaranson den oranan di anochi, na momento cu polis tabata patruyando den area di Rancho, nan ta mira un conoci di polis, alias “Pork Chop” core pasa cu algo parecido na un arma di candela.

Mesora e polisnan a bay tras di Pork Chop, asina a cuminsa un persecusion na pia den Ranchostraat, mientras tanto e polisnan a pidi refuerso di mas colega, mirando cu e area di Ranchostraat ta uno un poco peligroso. Un di e agentenan a mira Pork Chop drenta den un cas, mesora nan a trata di rondona e cas pa niun hende drenta of sali, mientras nan tabata wardando riba refuerso.

Varios unidad di polis a yega na e cas y a saca tur hende, un pa un, dos persona a keda deteni y transporta pa warda di Oranjestad.