Home » Comision di Apelacion a ratifica decision di AVB

Comision di Apelacion a ratifica decision di AVB

by Admin
0 comment 73 views

Despues di evalua tur punto, SV Britannia a perde su protesta contra SV Estrella

 
ORANJESTAD, Aruba: Arubaanse Voetbal Bond (AVB) a ricibi un protesta for di SV Britannia dia 21 di Mei ultimo, nan a protesta contra e wega di dia 18 di Mei 2018 contra di SV Estrella pa un hungado “ilegal”. E wega ey Britannia a perde 2-0 contra Estrella. Despues di a verifica e protesta entrega, AVB a dicidi di no duna SV Britannia rason.

SV Britannia a apela e decision di AVB y a dirigi un carta na Comision di Apelacion (Beroepscommissie). SV Britannia a duna nan puntonan pakico ta apela e decision di AVB cu pa nan no ta esun corecto. E Comision di Apelacion a revisa cada punto y cada informacion ricibi di e tema aki. E comision a tende tanto e representantenan di SV Britannia y SV Estrella y a haya e declaracionnan di AVB.

Esaki a pone cu e Comision di Apelacion a tuma e decision di ratifica e decision di AVB tuma dia 21 di Mei 2018, unda a duna Jean Pierre van der Linden e carnet pa hunga cu SV Estrella. Esaki ta pone cu SV Britannia a perde su protesta.

Cu e decision aki awor, AVB lo mester ahusta e agenda di weganan pendiente, pa por hunga e wega pendiente ainda cu no a hunga diabierna ultimo.

Arubaanse Voetbal Bond (AVB) ta gradici e comision di apelacion pa toch a logra tuma un decision den un periodo relativamente corto y ta yama nan danki pa e pasenshi y cu awor por continua cu e play off. etc

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio