Home » Boto ta bolbe drenta Aruba na Santana di Cacho, e boto a wordo mara riba e barancanan y laga atras

Boto ta bolbe drenta Aruba na Santana di Cacho, e boto a wordo mara riba e barancanan y laga atras

by Admin
0 comment 91 views

Na momento cu mainta a habri y solo a sali, ilegalnan a subi tera den tur trankilidad, te cu nan a haya e suficiente tempo pa mara nan boto na e barancanan dilanti Santana di Cacho. E Kust Surveillance a faya? of ta marduga so nan ta patruya? si ta asina ta parce cu e informacion aki a yega costa di Venezuela caba.

Sero Colorado, San Nicolas: Diabierna pa mas o menos 8’or di mainta, polis ta haya un informacion cu na altura di Santana di cacho tin un boto mara riba e barancanan. mesora ta manda un patruya na e sitio y na yegada enberdad nan ta topa cu un boto CACA1 La Guaira , procedente di Venezuela, e motor ainda tabata riba e boto y den e boto tabata tin 4 tanki gasolin y tambe cabuya di mara boto.

Mesora a pidi pa Maritiem y a avisa Kustwacht pa bin busca e boto y un otro patruya a cuminsa busca den Sero Colorado pa mira si por topa cu cualke persona cu lo por a yega cu e boto aki.

E straño ta cu tin un kust surveillance, pero aparentemente lo ta pa oranan di marduga so y e informacion aki lo mester a yega Venezuela caba, cu te hasta esnan cu ta den e negoshi di traficacion di hende a cambia nan orario y asina ta sigui trece personanan ilegalmente na Aruba.

Algun siman pasa nan tabata drenta na e costa norte, a pone Kust Surveillance nan no a drenta mas eynan. Diabierna mainta un sorpresa, autoridad ta bolbe haya pa di tantisimo biaha un speedboat mara na Santana di cacho.

Esaki ta un muestra cu esnan cu ta haci traficacion di hende, ta sigui burla di autoridadnan local.

Lo ta bon pa autoridad haci un investigación paso esaki ta mustra manera ta un leak tin, paso con nan por ta asina bon na altura cu e ora ey no tin Kust Surveillance eybanda, cu nan por a drenta den tur trankilidad.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio