Diasabra19 mei 2018 a continua e campeonato Baseball Clasico Aruba 40+. Den promer wega, CITGO Wayaca ta anuncia cu Brazil Dental Care/Lucor despues di tabata perdi 9-1 den 4 inning ta gana for di Marlboro Burger King pa forfeit door cu Marlboro a hasi cambionan cu no ta permiti den Baseball Clasico. Esta di laga tanto e pitcher y e DH den defense na mesun momento. Y asina e manager di Brazil ta reclama y ta hanja razon.
Otro resultado nan pa e dia aki ta
The New Arrivals ta gana 5-1 for di Salo Park Destroyers y ta pasa pa Segundo lugar den Pool B.
Mihor bateadornan pa The New Arrivals tabata: Dominic Enaminato y Atilio Ambrosio di 3-2 cada uno, Tirso Abraham cu a hasi su debut den Baseball Clasico y Nelson Moreno y Elias Nieves di 1-1 cada uno.
Mihor bateadornan pa Salo Park tabata Eugene de Cuba di 3-2 , Gilbert de Cuba y Raynold Hughes di 3-1 cada uno.
Pitcher ganador: Juan David Arango y Roque Wester a perde.
Box score: R H E
Salo Park 1 4 3
The New Arrivals Bomb 5 12 1
Den ultimo wega e team di Blue Lotus Indians no por a mantene 9 hungador riba tereno pa e wega por a continua y ta perde asina pa Forfeit contra di Spuiters Quallity Chiro Practice cu ta obtene nan di 4 victoria facil di campeeonato.
Campeonato ta continua diasabra dia 26 mei 2018 na Crismo Angela Ballpark .
10.30 am Unforgettables vs The New Arrivals
1.00 pm Blue Lotus Indians vs Brazil Dental Care / Lucor
3.30 pm Salo Park Destroyers vs Spuiters QCP
Directiva ta hasi un cordial invitacion na e chikitin nan y tambe na e fiel fanaticonan di baseball di tur tempo pa bin recorda e dushi tempo di baseball.
Y keda pendiente pa e All Star Game di nos baluartenan di 60+ den acion den luna di Juni 2018. Organizacion Baseball Clasico Aruba 40+ lo ta treciendo nos baluartenan hunto pa celebra hunto un dia riba tereno y demostra tur fanatico ta con ainda nan por hunga baseball/softball. No perde e oportunidad unico aki.
Bar y cushina lo ta bon surti!!