Home » Parlamentario Sue-Ann Ras (MEP): Mester a redirigi prioridad di enseñansa pa por trata otro asunto

Parlamentario Sue-Ann Ras (MEP): Mester a redirigi prioridad di enseñansa pa por trata otro asunto

by Admin
0 comment 83 views

 

 

ORANJESTAD – E situacion encontra den Parlamento aña pasa, a pone cu parlamentario di MEP Sue-Ann Ras mester a redirigi su atencion inicial pa enseñansa, pa bay atende cu e problema y varios sorpresa haya di e gobierno anterior. Asina Ras a mustra durante tratamento di e ley diamars.  “Na momento cu mi a dicidi di drenta politica, mi a drenta cu un vision y hopi deseo ferviente, pa traha na bienestar y futuro educacion di nos mucha- y hobennan, sin laga afo nos idioma Papiamento. Esey tabata mi mision den politica; Educacion, Educacion, Educacion, pa evita cu nos hendenan bira docil, cu mente reproductivo y actitud iresponsabel y indiferente.”

 

PROBLEMA DI OTRO

Segun Ras, mas tristo y lamentabel ta, cu ta trata un ley, pa soluciona un problema cu otro a causa, mientras cu e actornan di e desaster aki mes, ta sinta troce berdad constantemente den varios medio di comunicacion, causando mas confusion y disgusto den comunidad  sin tin mester! Pero atrobe, politica barata, manipulacion, engaño ta na ordo di dia. E prijs di bo grandesa ta, ora bo asumi bo responsabilidad! Manera semper mi ta bisa mi alumnonan, 99% di e fracasonan ta bin di e personanan cu tin e custumber di pone excusa. Segun Ras, e lo a desea di ta para den Parlamento, elaborando y dialogando riba nivel profesional y cu contenido, tocante con hunto nos por mehora infrastructra na scol, innova, renoba y revoluciona nos sistema di enseñansa, con nos por duna realse real na nos idioma Papiamento. “Esaki pa mi tin prioridad, ya cu educacion ta e arma di mas poderoso pa cambia mundo … frase mundialmente uza pa Nelson Mandela.  Sinembargo, e berdadero poder di educacion no ta solamente den adkiri conocemento na un forma reproductivo, manera nos sistema di educacion ta haciendo pa hopi aña caba, ya cu su forsa ta establece den e capacidad pa libera e mente y incluso, pa yega na felicidad berdadero di su hendenan. Educacion ta transforma bida,” Ras a sigui bisa.

 

WARDA

Pero lamentablemente tanto e deseonan di Ras como tambe di nos pueblo, mester warda un rato. “Mi kier enfatisa, cu nos mester realisa, cu ta te ora nos a drenta den e funcion como gobierno nobo, nos a haya nos confronta cu e realidad!  Un realidad cu e gobierno anterior a percura pa sconde den lachi, menasando varios departamento y funcionario publico pa keda keto, cu resultado pa laga un caos financiero enorme atras,” Ras a finalisa bisando.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio