Home » Mama ta bira furioso y ta menasa tata despues cu Voogdijraad a kita su yiunan for di dje y a duna e tata e custodia

Mama ta bira furioso y ta menasa tata despues cu Voogdijraad a kita su yiunan for di dje y a duna e tata e custodia

by Admin
0 comment 179 views

Diaranson algo pasa di 12’or di merdia, presencia di polis ta wordo pidi cu urgencia na oficina di Voogdijraad den Avenida Milo Croes,pa un caso cu a bay completamente for di man.

Na yegada e polisnan ta bin compronde, cu na momento cu e trahadornan di Voogdijraad a informa un mama cu nan lo kita su tres yiunan for di dje y lo pasa e custodia pa nan tata, e mama a bira hopi furioso y no tabata rasona mas. E mama a cuminsa ta zundra sin fin, na dado momento e kier a bringa y tambe den presencia di polis elo a menasa e tata di su yiunan.

E polisnan na e sitio a cuminsa papia cu e mama pa e calma, pero e mama na su turno no kier a rasona, despues di varios intento no a keda e polisnan na Voogdijraaad nada otro cu detene e mama y transporte pa warda di polis.

E motibo pakiko a kita e custodia di e mama pa duna e tata, no ta conoci, como mama e no lo ta facil, pero voogdijraad ta tuma desicionnan asina, solamente si e ta den beneficio di e muchanan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio