Frankenstraat, Noord: Diamars pa mas o menos 12 or di merdia a tuma lugar un caso di hinkamento den Frankenstraat. Mesora a manda varios unidad di polis na e sitio.
Na yegada nan ta bin topa cu e victima, kende a wordo hinka den su pecho cu un sker. E victima tabata na tino y por a bisa polis kende a agresor. Na e sitio e polidnan a bin topa cu e sker cu a wordo usa pa hinka e victima.
Mesora a pidi pa presencia di ambulance, despues cu personal di ambulance a trata e víctima na e sitio, nan a transporte cu urgencia pa hospital.
Despues di algun minuut a drenta e informe cu e agresor ta na un apartamento na Turibana.
Varios unidad di polis a bay mesora na e apartamento y a detene e sospechoso.
E sospechoso a wordo transporta cu transportwagen di polis pa Warda di polis na Shaba.