Home » Hulanda no kier yuda Aruba, pero UNION EUROPEO SI TA DISPUESTO PA YUDA PA CU CRISIS DI REFUGIADO

Hulanda no kier yuda Aruba, pero UNION EUROPEO SI TA DISPUESTO PA YUDA PA CU CRISIS DI REFUGIADO

by Admin
0 comment 76 views

E situacion na Venezuela cada dia ta birando mas difícil tanto pa Venezuela mes pero tambe pa e paisnan den region incluyendo Aruba, Corsou y Boneiro. E consecuencianan cu miles di Venezolano ta bandona nan pais por tin un impacto hopi grandi pa nos. Financieramente nos lo no por carga esaki siendo un isla chikito. E situacion aki ta hopi preocupante y Gobierno di Aruba ta moviendo pa busca un solucion.

Recientemente, riba peticion di Prome Minister Evelyn Wever-Croes, Presidente di Parlamento señor Ady Thijsen hunto cu Presidente di Parlamento di Corsou, a busca ayudo financiero di Union Europeo pa medio di un carta dirigi na Europarlamentario Ramón Jauregui Atondo.

Teniendo na cuenta cu Hulanda den e caso aki no ta dispuesto pa yuda, señor Thijsen a actua mesora y ta trahando incansablemente pa logra esaki.

Segun señor Atondo mayoria di e 44 delegacionnan di Parlamento Europeo ta reconoce cu e migracion masivo di Venezolanonan ta conduci na un emergencia humanitario tanto pa Venezuela como tambe pa su fronteranan y demas islanan cercano. E intencion ta pa cuminsa inspecciona e situacion di refugiadonan venezolano pa mira tambe con desde Brussels Union Europeo por apoya nos islanan financieramente. Esaki ta un logro grandi.

Prome Minister ta gradici Presidente di Parlamento pa su esfuersonan continuo y ta spera cu esaki pronto por wordo concretisa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio