Home » Etnia Nativa a ricibi bishita for di parlamentario Daphne Lejuez

Etnia Nativa a ricibi bishita for di parlamentario Daphne Lejuez

by Admin
0 comment 87 views

ORANJESTAD – Siman pasa parlamentario Daphne Lejuez a bishita un di nos tesoronan local, artista Anthony Croes, pa pasa un rato na su hogar cu ta alabes un galeria yen di artefacto historico di Aruba y di region. Akinan e parlamentario a haya un tour personal y hopi informacion valioso pa locual ta historia di nos isla.

Sr. Anthony Croes ta un curator di galeria y museo Etnia Nativa, como tambe miembro di e board di Camara di Comercio. Etnia Nativa no ta solamente un galeria di arte of museo cu ta regularmente bishita door di turista, pero tambe Etnia Nativa ta haci investigacion y basicamente comparti cultura Arubiano. Etnia Nativa ta existi pa mas o menos 20 aña caba localisa na Westpunt, anto e ta completamente yena cu obranan cu cada un di nan tin un storia pa conta. Sr. Croes su pinturanan y obranan – cu e mes ta traha –  ta wordo  traha cu productonan recicla cual ta inspira pa nos historia nativo di Aruba. Tur esaki riba iniciativa, interes y financiamento propio.

Enciclopedia di informacion historico

“Mi tabata tin e honor di ricibi un tour personal na unda sr. Croes a duna mi splicacion di cada artefacto, pintura y escultura historico of crea pa su persona”, parlamentario Lejuez ta comenta.

“Un mainta sumamente educativo y interesante unda nos a biaha bek den tempo y conoce mas di e Indjan nativo di nos isla y region, como tambe nan influencia riba nos comunidad”, e parlamentario ta sigui bisa.  Sr. Croes ta un enciclopedia di informacion historico local cu un balor cultural impresionante. Parlamentario Lejuez:  “Un danki na su persona y su esposa pa e invitacion. Sigur cu lo mi bolbe, pa por siña mas di nos historia, cultura, flora y fauna.”

“History cannot give us a program for the future, but it can give us a fuller understanding of ourselves, and of our common humanity, so that we can better face the future.”  ~ Robert Penn Warren.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio