Urataca: Diahuebs pa mas o menos 4’or y 45 di atardi, polis ta wordo manda na un cas na Urataka pa motibo cu un trailer cargando un bobcat lo a los for di un pickup y e bobcat ta drenta den un camber di un cas.
Na yegada enberdad polis ta topa cu e bobcat den e camber y trailer den e cura di cas, na e sitio nan ta bin compronde cu un pickup tawata lastrando un trailer y riba e trailer tawata tin un bobcat, pa un motibo of otro esaki a los for di e pickup, a kibra e cura di cas, drenta den e cura y e bobcat a kibra e muraya di un camber di e cas aki.
E habitantenan di e cas a pasa un susto di nan bida, e bobcat a comete basta destruccion na e cas aki, ela a ranca e cashi coriente por completo. Presencia di Elmar a wordo pidi cu urgencia pa desconecta e coriente di e cas. Polis na e sitio a pidi tambe pa slachtofferhulp bin atende cu e habitantenan. DOW tambe a presenta na e sitio pa mira si mester a saca hende for di den e cas.