Brazil Taekwondo Stichting tin e di 11 Surinam Open ariba e plan di aña 2018 y e team di Train Hard Fight Smart di Brazil Taekwondo Stichting a prepara duro pa asina Aruba ta bon representa na Surinam.
E training a subi un etapa mas halto awo cu dos atleta a drenta e categoria di adulto y Surinam ta bay ta nan prome campeonato internacional den e categoria aki y esaki no ta bay ta algo facil. Na Surinam ta bay tin participacion di varios otro Pais manera Trinidad & Tobago, Frans Guyana, Corsou y Surinam. Aruba su team ta consisti di e siguiente atletanan:
Danon Delamore, Rasheed Lowe, Hakeem Lowe, Záhyon Klabér, Jourdé Klabér y Joshua Klabér.
Brazil Taekwondo Stichting su atletanan ta prepara y ta cla pa enfrenta e reto aki. Despues ta bay haci un analisis pa ora e atletanan di Brazil Taekwondo Stichting bay Europa. Henk Meijer ta bay guia e atletanan pa 5 siman na Europa.
Brazil Taekwondo Stichting ta gradici Lotto pa Deporte cu a yuda cu un parti di e gastonan pa Surinam.