Home Police VIDEO: Durante cu polis tawata trata problema di pareha ariba caminda na...

VIDEO: Durante cu polis tawata trata problema di pareha ariba caminda na Sabana Blanco, auto a pasa dal e muhe

Sabana Blanco – Diamars anochi pa mas o menos 8’or, auto ta alcansa un dama ariba e caminda di Sabana Blanco.

Loke a pasa, patruya tawata tratando e problema di e pareha ariba caminda di Sabana Blanco.

Un auto biniendo di zuid a mira e pareha y tambe e patruya cu no tawata tin e luznan blauw cendi, segun e chauffeur.
Yegando mas cerca e dama di e pareha no a hala pa e auto, y e auto ta dal e.

Polis a solicita pa ambulance, pero na yegada e dama drumi ariba caminda a duna personal di ambulance hard time.

Famia di e dama na e sitio tawata reclama e homber di e nan yiu muhe.
E homber lo tawata cu auto di su cuña, pero ta para ariba cu e no ta dune e jabi.

Mientrastanto personal di ambulance a pone e dama den ambulance y a sali direccion Hospitaal pa control.

Problema a continua
E homber di e dama cu a bay Hospitaal a keda haci dificil cu e no ta duna su cuña e jabi di auto.
Despues di basta rato papia, cu polis a puntre e homber tur na bon pa entrega e jabi e no tawata haci caso.

Polisnan a detene pa buracheria y a transporte pa warda.