Morgenster – Diamars anochi den careda di 7’or y 50, polis y ambulance ta wordo manda un poco pabou di e crusada di Morgenster, pa un accidente cu persona herida.
Na yegada e polisnan ta topa cu e dos autonan ariba e banda drechi di caminda, direccion Cumana.
E autonan envolvi tawata un Altezza shinishi y un Suzuki Vitara shinishi.
Na e sitio nan a bin compronde cu e Altezza tawata bayendo direccion pabou y e señora manehando e Suzuki Vitara, ta lora na su man robes dilanti di e Altezza y e chauffeur di e Altezza no por a evita mas y ta dal contra e Suzuki Vitara.
Mirando e daño material e polisnan a opta pa pidi pa presencia di ambulance, pero na yegada di ambulance e personal di ambulance a papia cu e señora di e Vitara pero e no tawata tin mester di asistencia medico di personal di ambulance y nan a sigui nan caminda.