Home » Parke Nacional Arikok: Aumento di Aruba su Conew un realidad?

Parke Nacional Arikok: Aumento di Aruba su Conew un realidad?

by Admin
0 comment 56 views

ORANJESTAD – E conew Arubano (Sylvilagus floridanus), cual probablemente a wordo introduci na Aruba
dor di e Indjannan mas cu tres mil aña pasa como un fuente di alimentacion. Desde e introduccion di e
Conew, el a sa di colonisa su mes como un parti di nos ecosistema. E conew por adapta su mes hopi bon
y por biba den diferente tipo di habitat incluyendo Aruba su vegetacion distincto unda cu e por come
diferente tipo di yerba y mata chikito.

Aruba su conew tin un color bruin/shinishi y su barica ta blanco. E characteristica di su lananan blanco ta
extende te na su rabo unda e color ta bira visibel ora cu e core bai. E conew por crese te cu un grandura
di 40 centimeter largo durante su 3 aña di bida. Ya na 2 pa 3 luna e conew a madura suficiente pa por
reproduci. Un conew hembra lo busca lugar adecua pa su neishi bow di mata of piedra unda cu e ta
cubri esaki cu su lana. Un conew por duna lus 3 pa 4 bes pa aña cu un promedio di 5 baby den cada nest.
E mama ta bishita e babynan un pa dos biaha pa dia pa cria nan durante un periodo di 2 pa 3 siman. Y ya
entre 4 pa 5 siman e babynan ta independiente.

E conew di Aruba ta un especie cu ta na peliger di extinction y ta protehi pa ley. Ta sospecha cu e
cantidad di conew a baha durante e ultimo añanan dor di un aumento den actividad humano cu a causa
entro otro perdida di habitat, invacion di e Boa Constrictor y bestianan di cas manera pushi y cacho.
Sinembargo, Parke Nacional Arikok a nota varios ocacion unda cu ta raporta mas y mas conew den
diferente area rond di nos isla, como tambe den Parke Nacional Arikok. Esaki por ta relaciona cu e
temporada di secura caminda cu e cantidad di Boa lo a bira menos. Dado momento cu presenta un paro
cortico pa loke ta e peliger pa e conew nan lo por reproduci y aumenta relativamente liher.

Lamentablemente a tuma nota cu e Boa su cantidad a bolbe cuminsa subi cu e temporada di yobida cu
Aruba a ricibi ultimo, cual por conduci cu e cantidad di conew por bolbe sufri dor di e colebra invasivo e
Boa Constrictor banda di e otro presionnan cu nos conew tin.

Abo tambe por yuda nos Conew:
– Yuda reduci e poblacion di Boa; Yama PNA (585-1234) durante horario di oficina) of manda nos
un mensahe via Facebook pa cualkier ayudo pa gara un Boa. Tambe nos por asisti den determina
si e colebra ta uno endemico di Aruba manera e Santanero of Cascabel.
– Mantene tur mascota di cas serca; sigura cu un cacho y of pushi no ta bandona nan cas y bira un
peliger pa nos fauna natural. Por yuda asegura tambe cu e poblacion di cacho y pushi ta poco
mas controla por medio di sterilisacion of castracion.
– Semper core cu cautela den area nan serca di naturalesa. Preveni di core anochi den area nan
di naturalesa; E conew ta activo principalmente den oranan di atardi/anochi y mainta trempan.

E luz di un vehiculo ta bruha nan cual ta hasi cu e auto por dal e conew cu un consecuencia fatal.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio