Departamento di Aduana Aruba ta informa na tur persona of negoshi cu ta hasi importacion
di mercancia cu frecuencia sea ta pa nan mes of pa negoshi pa tuma bon nota di lo siguiente:
Ta obligatorio pa duna persoonsnummer di persona cu ta hasi importacion of
persoonsnummer di e negoshi concerni na e Customs Broker.
E Customs Broker na su turno lo usa e persoonsnummer di e persona of e negoshi importado
pa asina hasi e declaracion di aduana (Douane Aangifte) den e sistema digital di Asycuda
World.
E persoonsnummer ta ser otorga door di Departamento di Impuesto (Belastingkantoor).
Pa tur esnan cu ta hasi importacion pa negoshi, mester tene cuenta tambe cu e negoshi
mester ta inscribi na Camara di Comercio (KvK).
Departamento di Aduana Aruba ta spera cu tur persona y negoshi a tuma bon nota di e aviso
aki pa asina no surgi ningun inconveniencia.