Diasabra mainta e team di Train Hard Fight Smart a sigui cu un di dos training cerca Rene Wild. Alberto Klabér tabata tin un reunion hunto cu Rene Wild. Rene Wild a corigi Alberto Klabér tocante hisamento di peso, paso e ta depende di cua deporte bo ta haci pa e wordo bon balansa. Despues di e splicacion cu Rene Wild a duna Alberto Klabér a acorda cu tur diasabra e team di Train Hard Fight Smart ta bay cerca Rene Wild pa guia profesional.
Brazil Taekwondo Stichting tin atletanan cu un tempo tabata Infantil, Cadet, Junior y awo a bira Adulto cu ta rekeri mas forsa y cuminda balansa. Rene Wild a dectecta e fout y a corigi esaki pa e atletanan por sigui crece den nan desaroyo.
Sr. David Dubero Secretario y Sr. Guaicaipuro Jimenez Presidente di Aruba Taekwondo Bond a bishita e training y a keda masha contento cu Rene Wild ta bay guia e atletanan pa asina nan por ta miho prepara pa tur e eventonan Internacional nos dilanti.
Un Danki ta bay sigur na Rene Wild kende a tuma tur su tempo pa asina contribui na e team di Train Hard Fight Smart di Brazil Taekwondo Stichting.
Cornel Djaoen di Tele Aruba Canal 13 a tende di e training di e team di Train Hard Fight Smart y a pasa bishita e training pa ta testigo di e desaroyo di e team cu tin varios aña ta representa Aruba cu bon resultado y awo ta preparando pa e siguiente nivel.