115
Cumana: Diabierna pa mas o menos 1’or y mey marduga, e transportwagen di polis ta bin topa na e rotonde di codemsa un auto gekentel y e chauffeur ainda den e auto.
Mesora ta manda un otro patruya pa bay atende cu e accident aki, na e sitio nan ta nota cu e chauffeur ta basta bou influencia y ta bin compronde cu e chauffeur di e Honda tabata biniendo cu velocidad halto di pariba, no a brake na tempo, a slip dal contra e rand di caminda y a kentel cu su auto.
E chauffeur a haya algun rasca na su brasa, polis a pidi pa presencia di ambulance, despues cu personal di ambulance a controle na e sitio, ela keda deteni y cu e mesun transportwagen cu a yega prome na e sitio, ela wordo transporta pa warda di polis na Santa Cruz.