Home » Brazil Taekwondo Stichting tabata tin car wash

Brazil Taekwondo Stichting tabata tin car wash

by Admin
0 comment 74 views

Diadomingo ultimo Brazil Taekwondo Stichting tabata tin car wash na e celebracion di dia di famia di Centro di Bario Brazil.

Den e plan di actividad di 2018 di Brazil Taekwondo Stichting tin varios car wash pa recauda fondo pa por cubri e gastonan di e Team di “Train Hard Fight Smart”, specialmente ora di biaha pa representa Aruba y tambe mester cumpra mas material pa e Stichting. Brazil Taekwondo Stichting a cumpra e ultimo version di e sistema electronico Generation G2 caba.

E team cu ta biaha sa con importante ta pa bende carchi di car wash pa asina sigura nan biahe. Aki dos siman ta bay cuminsa cu e foto shoot pa e kalender di aña 2019 pa cuminsa prepara pa Korea 2019. Henk Meijer a informa caba na unda tur lo bay den e area di Asia y na cua campeonatonan lo bay participa y con largo lo keda.

Pa Brazil Taekwondo Stichting por yega na e meta hunto cu e team di Train Hard Fight Smart, mester recauda fondo na e manera aki y no por depende ariba e departamentonan di duna subsidio so. Brazil Taekwondo Stichting su vision ta hopi mas leu cu hopi ta pensa y ta trahando pa cumpli cu esaki. Si bo mira e muchanan di Brazil Taekwondo Stichting cu carchi di car wash, BBQ y kalender, pone bo man na bo curason y yuda e muchanan. Bo contribucion ta grandi pa Aruba. Nos proximo car wash ta dia 3 di Juni na Centro di Bario Brazil.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio