Home » MINISTER XIOMARA RUIZ MADURO TA RECONOCE DIANA ANTONETTE PA SU 50 AÑA DEDICA NA ARTE DI BAILE

MINISTER XIOMARA RUIZ MADURO TA RECONOCE DIANA ANTONETTE PA SU 50 AÑA DEDICA NA ARTE DI BAILE

by Admin
0 comment 99 views

ORANJESTAD -Señora Diana Antonette a celebra 50 aña cu un tremendo show di baile den Cas di Cultura.

Despues di a gradua como docente den ballet clasiko cu specialisacion den jazz-ballet y baile flamengo ela bolbe su isla natal y a traha como docente y bailarina profesional, cua e tin un carera hopi activo, creativo y exitoso specialmente riba e tereno di nos folklore caminda el a ricibi varios premiacionnan tanto local como internacional.

Despues di un bunita show den Cas di Cultura celebrando 50 aña dedica na su pasion cual ta baile, señora Diana Antonette a ricibi un reconocimento bon mereci for di Minister di Cultura Señora mr. Xiomara Ruiz-Maduro pa su 50 aña dedica na arte di baile y teatro.

E mandatario den su discurso a gradici Diana pa tanto inspiracion y dedicacion na e arte di baile na nos pais. Señora Diana ta e prome Arubiano cu a wordo otorga un beca for di Sticusa (Stichting voor Culturele Samenwerking) pa bay studia un profesion cu for chikito e tabata gusta, esta ballet.

Na September 1996 su soño a bira realidad ora ela a funda su propio scol di baile y ballet. Durante ultimo 50 aña ta masha hopi presentacion el a trece pa e publico cu su alumnonan, como tambe for di e grupo di baile un cantidad di grupo a nace y te awe a sigui engrandece nos folklore.

Aunke ballet ta su hobby y profesion, e tin un otro hobby cual ta teatro, na unda el a actua den diferente grupo. Cu Teatro di Dansa, Diana a representa Aruba varios biaha den exterior. Pabien na Señora Diana Antonette.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio