Home » Minister Dangui Oduber a inicia e celebracion di siman di enfermeria bishitando diferente instancianan di cuido.

Minister Dangui Oduber a inicia e celebracion di siman di enfermeria bishitando diferente instancianan di cuido.

by Admin
0 comment 121 views

En conexion cu siman di enfermeria, Minister di Turismo Salubridad Publico y Deporte, Sr. Dangui Oduber a hasi bishita na instancianan di cuido manera Huize Maris Stella, Respaldo y tambe Dr. Horacio Oduber Hospital. Cada un di e instancianan ariba menciona a tene un evento caminda oficialmente a inicia e celebracion di siman di enfermeria.

Mester elogia e instancianan pa nan dedicashon cu nan a hinka en conexion cu siman di enfermeria. Ta di remarca e entusiasmo riba cara di cada un enfermera presente. Na Huize Maris Stella e tema pa cu siman di enfermeria ta “Happy Smiley Nurses”. Dr. Horacio Oduber Hospital tambe a introduci nan tema: “Health is a human right”.

E funcion di un enfermera ta uno di suma importancia riba tereno di salud. Sea ta pa nos grandinan, pashentnan cu problema psikiatrico y tambe pashentnan di tur edad, nos enfermeranan ta indespensabel. Nos enfermeranan ta orea, wowo y voz di e pashentnan. Sin laga afor con nan ta traha 24/7 incansabel pa duna e mihor cuido. Ora nos ta drumi, nan ta cuida nos sernan keri. Trabou di un enfermera no ta facil. Pa nos pashentnan e enfermeranan ta esnan cu ta percura pa nan come, bebe y tuma nan medicamentonan na tempo. Boso empeño y dedicashon ta di suma importancia pa determina e calidad di cuido cu nos pashentnan ta ricibi.

Como Minister di Salud, mi kier a felicita tur enfermera y duna mi apoyo y sosten na boso. Mi ta content di conta cu boso como pilar di cuido pa nos pashentnan. Un biaha mas pabien y sigi cu e tremendo trabou cu boso ta eherce.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio