Home » Marisol Lopez-Tromp Proyecto InfrAruba ta trece e transparencia necesario den e area di Infrastrucutra y Medio Ambiente

Marisol Lopez-Tromp Proyecto InfrAruba ta trece e transparencia necesario den e area di Infrastrucutra y Medio Ambiente

by Admin
0 comment 97 views

Recientemente Ministerio di Infrastructura a lansa e proyecto InfrAruba caminda cu pueblo lo por ta hopi activo pa sea duna su observacionnan, kehonan, y preocupacionnan pa cosnan cu por ta andando den comunidad of den bario relaciona cu e parti di infrastructura, medio ambiente, naturalesa y residencial pa e departamentonan en cuestion por atende cu nan.
Marisol Lopez-Tromp a expresa cu desde siman pasa mas cu 100 ciudadano a reacciona y a raporta diferente caso y cu ya caba a atende mas cu 50 di e casonan raporta y varios a wordo resolvi caba.

E ta bisa cu importante di un tipo di proyecto asina ta e transparencia, pasobra caminda cu antes cierto informacionnan kisas no tabata yega of casonan cu ta contra ley of ilegal tabata keda sea tapa of scondi door di e gobierno anterior. Awendia no solamente tin e transparencia, pero pueblo tambe ta participa activamente den denuncia y por hasta conduci na por tin un investigacion of check un caso pa gobierno por traha y actua na un forma proactivo y pueblo tambe.

E parti di transparencia ta algo hopi importante pa e parlamentaria di POR, mirando loke a sosode anteriormente cu e ex minister di Infrastructura y pa cual Parlamento a pasa un mocion pa haci un investigacion riba dje. A pidi esaki debi na e iregularidadnan cu a wordo encontra den e departamento y tambe e keho di ciudadanonan cu a bisa cu nan mester a paga pa p.e. otorgamento di tereno cu no mester a paga pe. Casonan contra ley, casonan unda e ex minister di Infrastructura a cobra sumanan cuantioso ora cu inversionistanan na Aruba a hinca hopi placa den proyectonan y e ex minister of su bureau tabata dicidi unda un porcentahe di e placa tin cu bay. Esaki ta solamente algun di e casonan cu a keda comproba y cu ta bay totalmente contra ley di contabilidad.
E practicanan aki awo cu tin un gobierno nobo a yega na nan fin. A fiha un maneho hopi estricto y transparente pa loke ta Infrastructura y e parti di Medio Ambiente.

Finalisando Lopez-Tromp a bisa cu lo bay haci un seguimento riba ehecusion di e mocion door di gobierno, pasobra mester bin un claridad riba tur loke a bay robes y mester bin un claridad pa pueblo pa haya sa kico exactamente a sosode cu su patrimonio, pasobra te dia di awe e minister di Infrastructura nobo practicamente tur dia ta haya su mes confrontra cu casonan cu ni e departamento mes tabata na altura di nan y cu ta totalmente contra e ley di zonificacion

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio