ORANJESTAD – Departamento di Obra Publico ta informa tur compania cu ta deposita awa residual na RWZI Parkietenbos, cu entre diahuebs 10 di mei 2018 pa diadomingo 13 mei 2018 cu e planta lo ta cera pa mantencion.
Dia 11 di mei 2018, e planta di RWZI na Bubali lo ta habri for di 6’or di mainta pa 2’or di atardi y dia 12 mei 2018 for di 6’or di mainta te 7’or di anochi.
Ta pidi pa tene cuenta cu e trabounan andando riba e caminda cuminsando for di rotonde di Sasaki pa Super Food direccion Oranjestad ta cera. Consequentemente, e desviacion pa yega RWZI na Bubali ta via Y.E. Irausquin Blvd (panord di Amsterdam Manor).
En conexion cu e trabounan menciona, Departamento di Obra Publico ta haci un peticion na nos usuarionan pa tene cuenta cu e cambionanan y ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
