Ayera durante tratamento di presupuesto di Husticia un punto cu a resalta cu e minister actual esta Mr. Andin Bikker a hasi entrega di 8 auto na nos departamento correctional KIA, nos cuerpo policial a wordo re-enforsa cu auto nobo hunto cu slachtofferhulp, y sigur un departamento cu hopi biaha ta wordo lubida unda cu e personal ta core piket y mester actua den cualkier ora di dia o anochi na proteccion di nos muchanan cual ta e departamento di Directie Voogdijraad cu a hanja 4 auto nobo pa asina por sigui brinda e servicio cu ja caba nan ta bin.
Ademas di esaki, creando eficiencia bou Warda Nos Costa, esaki a ricibi tablets cu ta conecta directamente cu e sistema di DIMAS pa asina durante razzia por controla documentonan presenta si ta cuadra cu realidad o si ta trata di documentonan falso. Anke cu sigur falta hopi mas, pero sigur apesar di e retonan economico cu ta nos dilanti, sigur Minister ta hasi su maximo esfuerso pa brinda e trankilidad cu e pueblo di Aruba asina hopi ta desea.
Nos por a wak ayera tambe durante tratamento diferente Motie wordo entrega y sigur e puntonan cu a wordo entrega ta:
– Urgi gobierno pa mira e posibibildad pa recluta mas polis y promove entre nos hobennan e estudio di polis y asina amplia nos Cuerpo Policial logrando e meta di tin mas polis riba caya;
– Urgi gobierno pa studia e posibilidad pa esnan cu a sinta un castigo di por lo menos dos anja y cu a demostra un bon conducta durante nan castigo na Kia por haya un documento cu ta demostra nan bon conducta, pa por solicita y bin na ermarke pa haya trabou den areanan predetermina;
– Urgi gobierno pa hasi estudionan necesarop pa mira e posibilidad di haci uso di e plicacion CAS pa trahamento di rijbewijs y di e forma aki sigura e confiabilidad di datonan di e persona pa mantene e nivel di confiansa di e documento aki tanto local como internacional;
– Urgi gobierno pa sondia pa bin cu un “gevaren premie” pa luna riba salario di esnan cu ta cay bou di Algemene Opsporingsambtenaar y pa luna riba esnan cu ta cay bou categoria di Bijzonder Opsporingsambtenaar, Douanne Recherche, Personal di CEA den KIA y bewakers di KIA;
Tur esaki ta demostra cu apesar e situashon cu e gobierno forma door di MEP-POR-RED ta sinta buska solushon pa diferente retonan cu ta existi. No ta sinta papia bunita, pero ta actua. Y sigur esaki ta loke a refleha bek ayera durante e reunion publico unda a trata presupuesto di entre otro Husticia.
Un palabra di pabien na nos minister di Husticia Mr. Andin Bikker cu sigur ta demostrando un cambio enorme pa cu e cartera dificil aki.