Minister Lampe tabatin un deseo pa independisa Dienst Publieke Scholen. Na momento cu e maestronan a scucha esaki nan no tabata interesa pa cu esaki y a vocifere publicamente. Parlamentarionan dia Fraccion di POR Alan Howell y Marisol Lopez-Tromp a forma parti di tur sesion cu e maestronan encuestion. Sesionnan tabata bou di engargo di Parlamentarionan Sra. Lee y Sr. Vrolijk. Den tur sesion e maestronan a vocifera di no kier bay over na un Stichting pa varios motibo bon funda. Durante di e sesionnan e maestronan a haci un suplica na tur parlamentario cu tabata presente pa por fabor para firme cu nan.
Alan y Marisol a duna e maestronan tur siguridad cu nan ta bay para duro nan tras. Esaki a pasa exactamente tambe na momento cu mester a vota durante di e tratamento di presupuesto, votando pro pa urgi gobierno pa no haci DPS un Stichting y pa lague den e forma cu e ta actualmente. Loke tabata admirabel pa wak ta cu Minister Lampe a respeta democracia na un manera hopi profesional y p’esey Alan tin hopi respet pa Minister Lampe. Alan a tuma nota cu maestronan a gradici publicamente a traves di diferente medio di comunicacion tur parlamentario cu a para nan tras y e parlamentario di POR a expresa cu e ta contento di por tende cu maestronan a keda agradecido.
“Together we can make it better “