130
Bloemond – Diadomingo algo pasa di mey anochi, polis a bay un adres na Bloemond, caminda un señora a bira malo.
Segun nos a compronde, un señora su so ta biba den e cas y lo a cuminsa sinti su mes basta malo.
Mirando cu no tin ningun hende pa yude, ela opta pa a yama polis.
Polis haciendo un bon trabou, mes ora a sali pa e adres. Enberdad na yegada nan ta topa cu un señora di edad, cu tawata mustra basta malo.
E señora lo a splicanan kiko e ta sinti, y e agentenan na nan turno a pidi pa un ambulance. Cada rato e situacion di e señora tawata bira mas serio.
Agentenan a opta pa pidi e ambulance cu poco mas urgencia. Na yegada di ambulance e personal a tuma over y e agentenan por a continua cu nan patruya.