Home » Minister Glenbert Croes a presenta su proyecto “Ban Cultiva”

Minister Glenbert Croes a presenta su proyecto “Ban Cultiva”

by Admin
0 comment 73 views

Recientemente den un Rueda di Prensa, Minister Glenbert Croes conhuntamente cu su team Special Projects consistiendo di Susanne Sintjago y Thanya Croes a introduci e proyecto titula “Ban Cultiva”.

Meta di e proyecto aki ta uno simpel pero cu lo trece gran resultado pa henter nos Comunidad. Meta ta pa hunto nos cultiva norma, balor, respet pa otro y hermandad den comunidad como tambe cultiva bienestar personal ariba e tereno social, físico, emocional, spiritual, intelectual, financiero, su medio-ambiente, y ocupacion.

Den e vision Social Laboral di Minister Glenbert Croes, e ta mira un reactivacion total di tur e Centronan di Bario existente. Den su vision e ta mira e facilidadnan como e Centro di encuentro, centro di apoyo, centro di respaldo, centro di informacion pues un Centro Comunitario pa e comunidad cual e ta representa.

Cu esaki den mente, Ministerio di Asunto Social y Labor a inicia e proyecto aki cu un serie di 8 curso pa tur e Directivanan di e Centronan di Bario. Cursonan ofreci pa Bruce Harms instruyendo e Directivanan con maneha y saca maximo cobertura di nan pagina di Facebook y otro tecnicanan di mercadeo digital.

Siman pasa a haci entrega di e prome certificado na tur cu a participa. (portada)

E proximo fase di e proyecto aki ta diferente anochinan di informacion y actividad na e diversonan Centronan di Bario cu ta consisti di participacion y colaboracion di diferente Ministerio. Ministerio di Salud lo enfoca riba movecion y salud. Ministerio di Enseñansa lo informa tocante tur e diverso cursonan cu Enseñansa pa Empleo ta ofrece comunidad. DPL lo ta presente specialmente pa esunnan cu ta buscando un trabou, pa nan por inscribi pa drenta den e proceso di biaha. Tur esaki y hopi mas reparti den 8 diferente diasabra. Minister Glenbert Croes kier trece gobernacion mas cerca di su pueblo.

E proyecto aki ta pa reenforsa importancia di Centronan di Bario, crea conciencia entre ciudadanonan riba e importancia di un comunidad participativo. E meta cu kier logra ta un mihor comunicacion entre Centronan di bario y instancianan gubernamental y no gubernamental. Minister kier stimula conscientisacion bou di ciudadanonan cu ta biba den cada un di e barionan riba e importancia di nan participacion activo den nan Centro pues creando un comunidad participativo.

E invitacion ta pa like e pagina di Facebook Special Projects Aruba pa asina keda altanto di tur e diferente actividadnan cu Ministerio di Asunto Social y Labor lo ta organisando pa nos Comunidad na e diferente Centronan di Bario.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio