Home » Parlamentario Mike de Meza: Gobierno contento cu gran logro di pakete di medida contra pueblo

Parlamentario Mike de Meza: Gobierno contento cu gran logro di pakete di medida contra pueblo

by Admin
0 comment 66 views

Parlamentario Mike de Meza
Gobierno contento cu gran logro di pakete di medida contra pueblo

Pakete di medida cu fraccionnan di MEP, POR y RED a aproba den presupuesto 2018, ta medidanan cu lo bay tin consecuencia grandi pa henter pueblo.
Principalmente pa esunnan di menos entrada kendenan lo wordo perhudica pa e medidanan aki, cu simplemente no tin hustificacion pa wordo introduci na e momentonan aki, miembro di fraccion di AVP, Mike e Meza ta mustra.
“Pueblo ta bay mira un efecto increibel y pisa pa tur hende, caminda un di nan ta e aumento di BBO y BAZV cu lo bay subi cu 6% y efecto cu esaki ta bay tin un efecto pa e poder di compra y economia di Aruba, lo bay ta dramatico.
Pa duna un ehempel simpel di esaki, t na momento cu e aumento drenta den efecto, ta bay mira un aumento den prijs di gasolin di entre 9 pa 10 cen inmediatamente y riba dje tin otro medida cu ta e 10 cen di accijns riba gasolin, caminda si e prijs di gasolin keda para na unda cu e ta awe, pueblo lo mira durante di curso di lunanan cu ta bin, un aumento di 20 cen riba un liter di gasolin.
Esaki lo trece complicacion pa economia en general y lo tin su efectonan sumamente grandi pa inflacion y tur esunnan cu ta duna servicio di transporte manera chauffeurnan di autobus pero tambe pa servicio di Arubus y taxistanan, tourbusnan, tur lo mira un aumento dramatico riba nan operacion pero tambe den tiendanan lo bay mira un aumento basta dramatico riba prijs di productonan.
Esaki a nifica cu su efecto ta bay ta bastante pisa pa hente comunidad di Aruba y sigur pa esunnan di menos entrada y pesey nos ta insisti cu tin otro forma pa atende cu locual cu nan ta bisa ta e situacion financiero.
Nos tin cu corda aki cu na momento cu nos a drenta den gobierno na 2009, tabatin retonan sumamente grandi y tur gobierno na nan entrada di gobernacion ta haya nan mes enfrenta cu retonan.
Locual ta importante ta pa bo analisa, pa bo tin vision y pa bo lora manga di cuminsa traha y loke nos por mira aworaki lastimamente cu e gobierno di coalicion aki ta tipifica su mes pa persecucion politico cu ta di lamenta y medidanan.
Ya caba for di 2001 pa 2009 gobierno di MEP su accento tabata riba medida, medida, medida y ora cu bo mira, no tabatin control riba gastonan caminda tabata yena e aparato di gobierno cu conoci -y famianan y ta yena esaki riba un nivel cu ta bira iresponsabel y ta pesey e gastonan ta sigui aumenta.
Mesun rumbo aki pueblo ta mirando cu MEP ta haci entrada den e gobierno nobo y inmediatamente por a nota cu ta bay na practicanan tradicional caminda ta introduci medida, lubidando tambe riba e efectonan dramatico cu esakinan lo bay tin riba pueblo, caminda e poder di compra lo cay y inflacion lo aumento basta dramatico.
Pero tin otro forma cu por stimula economia dor di e medidanan aki ta bay mira un caida den nos economia cu lo bay afecta e bida socio economico na Aruba dramaticamente y esey ta di lamenta pa motibo cu nos a spera cu for di experiencia y for di historia, MEP lo a saca e conclusionnan ey y nan lo a bay mucho mas cauteloso cu e tipo di accionnan aki.
Sinembargo sostene pa un grupo di parlamentarionan cu na luga di atende presupuesto den un forma critico, puntra gobierno pa claridad riba e maneho cu e kier hiba, pueblo por a mira un reunion caminda e impresion mas grandi tabata cu ainda miembronan di fraccion di AVP den oposicion, tabata esunnan cu a traha e presupuesto pa gobierno di coalicion actual, ya cu tur atencion tabata dirigi riba miembronan di fraccion di AVP ,” Parlamentario Mike de Meza a mustra.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio