Homber a bira malo na Citgo Wayaca y a fayece dilanti su famia

Wayaca – Dialuna atardi den careda di 6:30 polis y ambulance a bay Citgo Wayaca pa un persona cu a bira hopi malo.

Na yegada nan ta haya un hende homber ariba vloer, unda cu autonan ta para pa yena gasolin.
E persona no tawata reacciona y mes ora nan a cuminsa cu reanimatie.

Personal di ambulance a haci tur nan posibel, pero na final famia mester a mira cu nan a tapa nan ser stima paso ela fayece.
Un palabra di condolencia y hopi forsa na e famia.