Noord – Ponton
Diasabra marduga loke mester a bira un simpel stop den trafico di un auto cu a pasa den luz cora, a caba na persecusion y dos persona deteni.
Tawata diasabra marduga, pa mas 1’or, patruya di Noord ta spot un auto color geel cu a pasa den luz cora na Noord.
Procedura normal, nan a dune un StopTeken, pero e chauffeur a dicidi di cuminsa core pa polis.
Cu velocidad halto y treciendo trafico y bida di hende inocente na peliger, nan a tuma direccion zuid direccion Shaba.
Mes ora a pidi asistencia di mas patruya. Na rotonde Tanki Flip nan a sigui bay zuid, te hasta dado momento ela cera un di e patruyanan haciendo cu nan por a bay accidente.
Rotonde Ponton
Na rotonde Ponton, eynan a bira su “Dead End”.
Patruyanan a cere y bloki’e di tur manera cu e no por a sigui.
Den e maniobra eynan, ela dal un di e Toyota Pradonan.
Agentenan rapidamente a sake for di e auto y pone ariba vloer, caminda cu ela cuminsa grita cu boca grandi “Ma core duro bay paso mi tin un Cheiba den auto”.
E hoben aki cu boca grandi tawata bisa polis su derechonan, indicando cu elo a yega di haye den contacto cu husticia caba. Tambe ela bisa cu den tres dia elo ta bek ariba caya. Mientras cu e tawata den boei ariba vloer, te hasta Rey Willem Alexander a haya, door cu ela cuminsa insulte cu palabranan sushi.
E otro dosnan
Nos no sa exactamente con esaki a pasa, pero mas panort e otro dosnan a logra huy.
Mes ora otro patruynan a bay e area caminda cu nan lo a baha y ta logra haya 1.
E di dos sospechoso, lo tawata tin un arma di candela den su poder.
Ela wordo deteni mes ora y hiba pa warda di Shaba.
Pa recapitula, dos homber a keda deteni pa posesion di droga (cuanto no sa exactamente) y arma di candela.
Un pabien ta bay di nos parti pa Cuerpo Policial cu a actua lihe y kita tipo di hendenan aki for di caya pa un tempo y tambe un arma di candela menos.