Paradera – Diabierna marduga pa mas o menos 1:30 informacion a drenta di un accidente serio dilanti Tinashi na Paradera.
Prome informe a bisa, cu un motociclista a cay y lo ta seriamente herida.
Despues di algun minuut, otro informe a drenta bisando cu ta trata di un accidente serio entre brommer cu auto.
Na yegada di un cantidad di patruya cu mester a yega cu velocidad halto, ta topa berdad un homber cu helm bisti drumi ariba caminda.
Rond di dje, un cantidad di hende papiando yen cos.
E motociclista mes cu tawata boca abou, tawata keda bisanan “Mi ta bon, boso lagami lanta”.
Pero aparentemente pa esnan cu a mire cay, lo tawata teme cu e lo a herida su mes seriamente. Y pa e motibo eynan, nan no tawata lage lanta.
A pidi pa ambulance.
Na yegada, e homber a lanta y ariba su mes un forsa a cana poco poco drenta ambulance pa wordo controla.
Loke a pasa, segun esnan cu a mira.
E motociclista lo a bay subi caminda, via e salida parti pariba unda Burger King ta.
Elo a sali pa bay direccion pabou, pero lo no a yega mucho leu paso ela cay cu e brommer, y keda drumi un rato ariba caminda.
E parti ultimo aki, a pone cu esnan eybanda a pensa cu ela herida su mes serio.