Home » Fundacion BEULAH cu curso di Comunicacion y Liderazgo pa Young Professionals

Fundacion BEULAH cu curso di Comunicacion y Liderazgo pa Young Professionals

by Admin
0 comment 87 views

Den e ultimo añanan Fundacion BEULAH a organisa y duna sosten na diferente projectonan educativo, conseho huridico pa mayornan, studiantenan y na organisacionnan charitivo. Tambe Fundacion BEULAH ta ofrece guiya na studiantenan na Universidadnan na Aruba y den exterior. Projectonan mas conosi di e fundacion aki ta e programa di television TV-Teach; WakPaBoSiña y su Dutch Summer School and Camp.

Aña pasa BEULAH a yuda lanta un club di Comunicacion y Liderazgo: Gilberto François ‘Betico’ Croes Toastmasters Club. Esaki a resulta di ta un exito rotundo. E aña aki BEULAH lo traha hunto cu Fundacion Dominicano Arubanse Juan Pablo Duarte pa organisa un curso di Comunicacion y Liderazgo. Lo tin dos trainer profesional cu lo yuda e participantenan voluntariamente Sra. Kari Heron y Sra. Mireille Sint Jago.

E curso ta cuminsa dia 1 di mei 2018 y ta caba dia 25 di september 2018. Lo reuni tur diamars di 7-9′ or na e Cede di Fundacion Dominicano. Gastonan pa material y uzo di e locacion lo ta AWG 300 florin pa henter e curso di 5 luna. Pago lo tuma lugar den 3 pago. E curso, material y certificado ta wordo uza den mas cu 140 pais rond mundo. Un oportunidad pa un y tur pa por desaroya nan mes na un manera profesional pa asina logra nan metanan den bida y di trabou mas lihe.

Pa mas informacion y pa inscripcion por tuma contact cu trainer Mireille Sint Jago na 690-0099 of Presidente di Fundacion Dominicano Arubanse Juan Pablo Duarte Meneer Winston Tavarez na 592-1679. Akinan algun potret di un anochi informativo cu a tuma lugar diamars pasa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio