ORANJESTAD, Aruba – Pa Aruba Bank e empleado ta central ora di priminti e clientenan “Un Experencia Superior”. Cu esaki den mente Aruba Bank ta nomina un empleado ehemplar tur luna. E empleado cu ta scogi ta esun cu durante di e luna a haci su maximo esfuerso pa brinda momentonan superior na tur esunnan cu bishita Aruba Bank of haci uzo di un manera of otro di un servicio di banco. E empleado Rachiem Emanuels a ser selecciona durante di luna di April.
Rachiem Emanuels, Insurance Corporate Field Agent, ta un hende cu a logra duna un servicio superior na clientenan den su area den un tempo record. Su dinamismo y eficiencia a haci cu a nomin’e y reconoci como un empleado superior.
Aruba Bank ta felicita y gradici e miembronan di e famia di Aruba Bank cu a wordo nomina pa cliente y of colega pa yuda brinda tur cliente “Un Experiencia Superior”.
