Recientemente Banco Central di Aruba a publica su pronosticonan economico sin un pronostico economico caminda Parlamentario Richard Arends a dirigi pregunta na gobierno durante tratamento di presupuesto 2018.
“Nos por a tuma nota cu Banco Central recientemente a publica su pronosticonan economico sin un pronostico economico.
Irespectivamente si gobierno tuma pronosticonan poco conservativo den e caso di presupuesto caminda nan tuma un pronostico di 1%, esey no kita cu e mester wordo cuantifica y substancia pa un pronostico por ehempel pa un banco central of di un departamento di asuntonan economico.
E situacion aki ta un situacion no deseabel, ya cu ni maske con cauteloso bo proyeccionnan ta, semper nan por resulta algo totalmente diferente y bo ta haya cu macro economicamente cu bo ta bay wak bo mes den spiel cu bo no a cumpli cu cierto normanan, cu bo no a cumpli cu cierto crecemento economico y esey obviamente tin su repercusion financiero pa loke ta trata entradanan di pais Aruba.
Un di e preguntanan cu nos haci tambe y cu nos ta bay pone den un mocion ta cu na momento cu bin ‘meevallers,’ na momento cu tin mas actividad economico y a ricibi mas entrada, si esaki lo wordo reserva pa reduccion di deficit y reduccion di debe,” Parlamentario Richard Arends a trece dilanti durante tratamento di presupuesto 2018.
Banco Central cu pronostico financiero sin pronostico financiero
104