Palo di luz y tambe borchi di trafico ranca ariba Sasaki, debi cu chauffeur a pega soño tras di stuur

Sasaki – Diadomingo mainta polis a baya panort di Superfood, pa un accidente cu hende herida.

Na yegada di polis nan a constata un Kia Rio completamente kibra dilanti. E auto aki lo tawata bayendo zuid, y parse cu e chauffeur lo a pega soño.

Cu velocidad halto ela kita bay na su man robes, rancando un palo di luz y tambe un borchi di trafico.
Despues ela kita bay na su man drechi y a keda eynan.

E impacto tawata uno basta duro, mirando con e auto a keda. Durante e accidente, e chauffeur a fractura su nanishi, y esaki tawata sangra hopi.

Na yegada di ambulance, ela wordo hiba Hospitaal pa mas tratamento.