Home » Den cuadro cu tratamento di ley di presupuesto 2018 den parlamento: Parlamentario Daphne Lejuez a trece algun punto dilanti relaciona cu labor

Den cuadro cu tratamento di ley di presupuesto 2018 den parlamento: Parlamentario Daphne Lejuez a trece algun punto dilanti relaciona cu labor

by Admin
0 comment 86 views

E parlamentario ta bisa cu mirando cu un di e metanan di e gobernacion ta pa elimina e ‘red tape’ of burocracia, y cu den diferente raport internacional manera IMF a menciona cu un di e desafionan ta pa modernisa/flexibilisa e mercado laboral, “mi lo ta desea di sa minister di labor su maneho pa cu esaki”, parlamentaro Lejuez a expresa.

Seguro pa desempleo
Na Suecia por ehempel, ta haci uzo di un seguro pa desempleo. Den e forma aki tin mas flexibilidad den e mercado laboral pa tanto trahador como dunador di trabou. Nan ta haya mas espacio pa sondia e mihor trabou y trahador. Desde su introduccion na Suecia, e seguro pa desempleo a hiba hustamente na un reduccion di desempleo. Y den caso cu un persona ta keda sin trabao pa casi un aña por keda cobra entre 70-80% di su ultimo salario. Tambe e organisacion cu ta provee seguro ta percura pa e persona desemplea por haya bijscholing pa asina por sigura un trabou mas lihe. Lejuez: “Esaki lo por ta algo cu minister por considera?”

Trabou deeltijds
Trabou ‘deeltijds’ tambe por ta un opcion pa por aumenta cupo di trabou y kisas inclui studiantenan, mamanan soltera of pensionadonan cu ta interesa den traha part-time na un forma structura. Parlamentario Lejuez a puntra kico ta minister su vision pa logra flexibilisa/modernisa e mercado laboral, y asina crea mas espacio y cuponan di trabou como tambe haci e mas facil pa trahadornan y dunador di trabao por haya e miho match. Tambe a puntra kico ta minister su vision pa trabao di deeltijd, y kico e mandatario encarga cu labor ta wak como posibel retonan den e mercado laboral pa por logra mas empleo pa esnan desemplea na e momentonan aki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio